قصتي

بدأت من الصفر اتعلم مجال الـ Filmmaking كهواية سنة ٢٠١٨

ساعدني في ده بعض الكورسات الي موجوده على الانترنت وبعض الامكانيات البسيطة زاي ايفون ٧ وكروما ومايك بويا M1 وسوفت بوكس عملته بنفسي بالكرتون وبدأت اتعلم Visuals و VFX كهواية وقتها وكان بس بيشوف الڤديوهات دي صحابي

بعدها بسنه بدأت فترة كورونا وكان العمل الحُر تريند جدا وقتها فقولت اجرب مواقع زاي Upwork و Fiverr كـ Video Editor واستخدمت كل الـ Skills الي كانت عندي وبقيت Top-Rated عليهم سنة ٢٠٢١ وتقريبا كنت عملت كل انواع ال Projects الي ممكن اي Video Editor يعملها زاي الافلام والاعلانات بكل انواعها وشغل السوشيال ميديا باكتر من ٢٥٠ بروچكت خلال سنتين تقريبا وكنت من اوائل الفري لانسرز العرب في السيرش على الموقعين دول

مع بداية ٢٠٢٢ بدأت اتعلم اكتر عن الاخراج والـ Storytelling والتصوير والاضاءه والصوت وكان معايا وقتها Canon M50 بدأت اصور كل اقدر اصوره وقتها تعمقت اكتر في كل مايخص المعدات واستخدامها وكل الـ Skills الي المفروض تكون عند المخرج ومدير التصوير وطورت المعدات دي وحاليا بستخدم كاميرات سينيما ومعدات اكثر احترافيه

في اواخر ٢٠٢٣ نصحني اصحابي اني ابدأ اعمل ريلز على الانستجرام وانقل الي اتعلمته بشكل عملي خلال السنين دي كلها للشباب الي بتبدأ خصوصا اني كنت اشهر ڤديو اديتور عربي تقريبا وقتها غير شغل الـ Videography والاعلانات وفعلا جربت وحسيت ان الموضوع ممتع جدا انك تشارك خبرتك للناس ونتعلم من بعض وده الي للاسف مش موجود عندنا كعرب ان نقل الخبرات ضعيف جدا

قررت في بداية ٢٠٢٤ اني انقل الي اتعلمته في منهج تفصيلي بشكل عملي ومبني على أسس علمية ومناسب لمتطلبات السوق وتغيرات المجال واخدت وقت جدا عشان ابني اقوي منهج مُفصل ومتكامل في المجال ده يقدر ياخد اي شخص من الصفر للاحتراف في اسابيع قليلة واعتقد ده هيكون اكتر بروچكت فخور بيه في حياتي