تعريف بالأكاديمية

من دراستي وشغلي في المجال الابداعي لسنين طويله اتعلمت اني لازم اكون Problem Solver
لازم اشوف ايه المشاكل الي بتواجه الكلاينت او البيزنس واحلها واما قررت اعمل الاكادمية دي قعدت شهر افكر في كل المشاكل الي بتواجه اي حد جديد في المجال وقدرت اصنفها لـ ٣ مشاكل:

1. مفيش منهج تعليمي واضح مبني على اساس علمي وخبرة لان كل الكورسات العربية الموجوده في المجال ده سطحية جدا للاسف ومجرد تضيع وقت لاني شوفت معظمها
2. لو اخدت خبرة واتعلمت هيكون صعب جدا انك تلاقي شغل وتاخد Projects كبيره بتقدير مادي صح
3. غالبا اي حد مبتدأ بيحس انه وحيد مفيش مجتمع او ناس شبهه حواليه يشاركوه تعلمه وشغفه ورحلتة في المجال وانا شخصيا كنت هفقد الشغف اني اكمل زمان بسبب ده

وبفهمي العميق للمشاكل دي خلال سنه ونص قدرت احلها كلها في خطوات منظمة:

1. عملت اقوي منهج تعليمي وعملي متكامل ومفصل في المجال ده هتقدر تتعلم فيه من اول تغير العقلية للاساسيات للتحضير من اول ازاي تكتب فكره لـ ازاي تحولها لشوت ليست واضحة للتصوير بكل مهاراته من اضاءه وصوت وحركات كاميرا وزوايا وغيره للايديت بكل مهاراته من ستوري تيلنج وجرافيكس وتلوين وساوند ديزين وغيرهم كتير وبالتالي نكون حلينا اول مشكلة
2. عملت ٥ دروس خاصة بالبيزنس وازاي تحول كل حاجة اتعملتها لشغل مستمر سواء اونلاين او على ارض الواقع وكل الاسرار الي خلاتني اعمل عدد الـ Projects ده من اول ازاي تعمل بورتفوليو صح لازاي تجيب اول كلاينت وكلها طُرق جربتها لـ ازاي تحسب الـ Rate المُناسب ليك وغيره وبالتالي نكون حلينا تاني مشكلة
3. قررت اني هعمل اكبر كوميونتي عربي اونلاين في المجال ده ونتعرف على بعض ونشارك خبراتنا وتجاربنا وكمان نتجمع في ايڤنتات ورحلات سنوية نعمل Collaborations سوا ونـ Connect اكتر واكتر وبالتالي نكون حلينا تالت مشكلة

تقريبا ده اكتر بروچيكت اخد مجهود مني سنه ونص تقريبا من الشغل المُتواصل والتخطيط لكل ده وانا فخور جدا ان فيه Product عربي بالاحترافية والتنظيم ده واتمنى اني اشوف حاجات مشابهه في باقي المجالات